✿ 愛一個人 ｡♥ ﾟﾟ✿*.:｡¯•*♡*•´¯☆原來不容易✿

好耐無上去blog

自從考完車之後都無打blog囉

呢排都發生左好多事

有開心有吾開心

最重要我又無咩心情打字喎

今日放假又無咩野做

就上呢打下幾隻字仔

可能又再潛水囉

再係咁樣落去

我都驚遲早會遇溺呀

今日終於都成功囉

不過都幾驚險下架

一開波泊"R"位就衰左一次

跟住到"S"位泊到連腳都震埋

隻腳真係第一次震到甘呀

跟住出街就死火兩次(四次就即"飲"),嚇到我心都跳埋出去呀

諗住順順利利就返到考場泊埋個"L"位

點之原本要泊18號位,我就泊錯左19號

其實無咩問題的(我諗!!)

不過個考牌官真係好好人呀,佢當我聽錯位,嘻!!!!

成世女都好好彩,就咁就考到個車牌喇~

Time：2009.01.06

最後一日，去左一間中式的餐廳食早餐，導遊話韓國結婚的場地佈置係好簡單的，我見到真係得幾張長枱同埋ｄ白布蓋住，無其他裝飾品，原來白色係韓國代表吉利，而紅色反而係吾吉利，各地的文化真係好吾同呀！

食飽就出發去最後一站--韓國土產店。買左紫菜、人蔘糖、雞泡魚乾、朱古力米通等等，總之都係滿載而歸喇！

坐多個零鐘頭車就去到機場，換韓幣個陣，睇到兌換率竟然係1：177，我地去個陣係1：167，多左成10蚊呀，算吧喇～

5日4夜的韓國雪之旅就到止結束喇～

餐廳門口的裝飾品，幾靚

兩隻大龜，韓國吉祥物之一

機場入面的聖誕樹，不過我去個陣好似係新年喎？？？

韓國的提示板

Time：2009.01.05

晨早起床，清新開朗，如我所料好似俾人打左一身咁，腰酸背痛樣樣有，勁辛苦呀～梳洗完之後，就搭吊車上山頂影下相，上到去空氣真係好清新，不過我地純粹影相，所以好快就走喇～

離開左滑雪場，下一站當然係醫下個五臟六腑！今日的午餐係食蟹，蟹身都算大隻，但比起日本食個隻就真係爭幾皮囉，不過相對價錢都爭好多。其他仲有燒蝦、多春魚、炸豬扒等等，今餐都算豐富。

食飽飽就出發去七樂賭場，個場真係好細，得十張枱左右，無咩驚喜，可能我睇慣澳門ｄ場，所以覺得無咩好參觀！陪佢地玩左幾鋪就走喇～

跟住去的就係今個旅程的最終目的地—明洞。一落車大家好似癲左咁買買買買，不停咁買，我都買到停吾到手，雖然時間有兩個鐘頭咁多，但我地都係覺得吾夠囉～最後大家都有一袋二袋的戰利品，勁開心呀～

趁仲有時間，我地就食左導遊推介的長雪糕，味道其實麻麻，不過係咁凍的天氣食雪糕，我都係第一次，口又凍，手又凍，總之成身都好凍，諗返都覺得好搞笑～

返酒店前我地仲去多一個商場買嘢，以賣衫為主，不過for我就吾多啱，我姐夫就好開心，終於都輪到佢瘋狂，佢都買左幾件衫同褲，收穫都自豐富，係等車期間，見到街邊ｄ小食車，買左兩串吾知咩野來食，味道其實吾好食，淨係覺得兩串野都好大條囉～

因為聽日係最後一日，所以要整理下個喼，好在今次吾係買左好多野，如果吾係就好似我最細個妹咁爭ｄ爆喼！

酒店外面的雪景，同埋咁早就有人滑雪的滑雪場

韓國食野真係好多餐具架，燒蝦同埋多春魚。

好大隻的長腳蟹，又多汁又好味

七樂賭場的門口，入面就吾俾影相囉

令人瘋狂的明洞，勁多人

吾記得咩名的商場，門口的裝飾好靚呀

不明來歷的食物，淨係覺得好大條呀

Time：2009.01.04

訓左一晚太陽郵輪酒店，一早起身係酒店食早餐，導遊仲話可以睇埋日出，不過我睇吾到囉～可以位置吾啱掛，算吧喇！食飽飽就出酒店外面的雕刻公園影相，見到好多雕像，我地仲逐一影相，不過有ｄ相吾出得街，因為太不文喇～

第一站就去參觀916軍艦，係韓國向美國購買的保護艦，雖然好大隻，不過就好殘舊喇，入面其他無咩野睇，影左幾張相就走喇～佢隔離仲有一隻細隻好多的北韓的間諜艦，入到去見到船身好低同好窄，原來北韓人係好細粒架，如果身高有170左右,我諗實撞到頭囉～

上車之後就去今日的目的地--滑雪場。因為酒店未有咁快check-in，所以導遊話去滑雪先，好緊張呀。著哂滑雪裝備，就出發去滑雪場，入到場已經好多人玩緊，影左大合照，導遊就開始教我地點玩，咁我比較蠢，教左好多次先識點滑，但我個妹就學得好快，導遊仲讚佢好叻，阿妹你係得的～呵呵！！滑左一陣，已經撻到成身都好痛，未到聽日我已經feel到痛囉～

滑完雪就去醫肚，今晚係食韓國燒烤，我最期待但亦都係最失望的一餐，我諗住有牛肉、雞肉、香腸、魚蛋等等材料喇，原來淨係得豬肉可以燒，雖然幾好食，但真係好單調呀！食飽就返酒店，因為聽日要好早起身，所以要早ｄ訓喇！

916軍艦,真係好大隻架

啱啱撻完的痛苦樣,好痛呀

再接再勵的維他，學緊一路滑一路停，我都算叫做學識左，多謝導遊

韓國燒烤，淨係得豬排，其他咩野都無，幾搵笨架

酒店的裝飾花，其實仲有其他的，不過我淨係影左呢相炸

密瓜同車厘子雪條，仲有超級市場買的尤魚絲，要推薦呀，因為好味囉